Իմպլանտոլոգիա · Երևան
Ատամնային իմպլանտացիա Երևանում
Բացակայող ատամների վերականգնում իմպլանտներով՝ ESTHEMAX կլինիկայում, Երևանում։ Բուժումը պլանավորվում է ծնոտների ԿՏ հետազոտության և 3D սկանավորման հիման վրա, իսկ իմպլանտները տեղադրում է կլինիկայի համահիմնադիր, ստոմատոլոգ-իմպլանտոլոգ բժիշկ Արսեն Գևորգյանը։
Թարմացվել է՝
01 — Գործընթացը
Ինչպե՞ս է ընթանում իմպլանտացիան
Իմպլանտացիայից առաջ կատարվում է մանրակրկիտ հետազոտություն՝ անհրաժեշտ անալիզներ, ծնոտների կոմպյուտերային շերտագրություն (ԿՏ), 3D սկանավորում և ախտորոշում։ Դրանց հիման վրա պլանավորվում են իմպլանտի դիրքը, չափը և թեքությունը, և որոշվում է՝ արդյոք անհրաժեշտ է ոսկրի ծավալի ավելացում։
Խորհրդատվություն
Գնահատվում են ատամները և ոսկրը, ներկայացվում են բուժման տարբերակները։ Խորհրդատվությունն անվճար է․ դրա ավարտին կազմվում է ձեր բուժման պլանը և տրվում է վճարման նախահաշիվ։
Պլանավորում
Ծնոտների ԿՏ հետազոտություն, որը կատարվում է կլինիկայից դուրս, և 3D սկանավորում։ 3D տպագրված վիրաբուժական շաբլոնը, որն օգնում է իմպլանտը տեղադրել պլանավորված դիրքում, պատրաստվում է միայն ըստ անհրաժեշտության և վճարվում է առանձին։
Իմպլանտի տեղադրում
Իմպլանտը տեղադրվում է տեղային անզգայացմամբ։ Դրան ամրացվում է ձևավորող էլեմենտ, որի շուրջ ձևավորվում է լինդը։
Ապաքինում
Իմպլանտը միաձուլվում է ոսկրին։ Ժամանակավոր ատամ տեղադրվում է, եթե իմպլանտի դաշտը և ոսկրը թույլ են տալիս անմիջական ծանրաբեռնվածություն։
Աբատմենտ և պսակ
Իմպլանտին ամրացվում է աբատմենտ, իսկ դրա վրա՝ ցիրկոնե կամ մետաղակերամիկական պսակ, որը պատրաստվում է թվային սկանավորմամբ՝ կլինիկայի լաբորատորիայում։
Հետագա հսկողություն
Պարբերական ստուգման այցեր։
Ստորին ծնոտ
1.5–3 ամիս
Պսակները տեղադրվում են իմպլանտի տեղադրումից 1.5–3 ամիս անց։
Վերին ծնոտ
4–6 ամիս
Պսակները տեղադրվում են իմպլանտի տեղադրումից 4–6 ամիս անց։
Կախված կլինիկական դեպքից՝ արտերկրից եկող պացիենտները Հայաստան են գալիս 2–3 անգամ, իսկ մնալու տևողությունը քննարկվում է յուրաքանչյուր պացիենտի հետ անհատապես։
02 — Ոսկր և լինդ
Սինուս-լիֆթինգ և ոսկրի ծավալի ավելացում
Եթե վերին ծնոտում հայմորյան ծոցի տակ ոսկրի բարձրությունը բավարար չէ, ծոցի հատակը բարձրացվում է և ավելացվում է ոսկրանյութ, որպեսզի հնարավոր լինի տեղադրել իմպլանտ։ Միջամտությունը կատարվում է իմպլանտի տեղադրման հատվածի ոսկրային հյուսվածքի ծավալից կախված՝ ալվեոլյար ելունի բարձրությունից և լայնքից։
Սինուս-լիֆթինգ
Բժիշկ Գևորգյանը մասնագիտացված է վերին ծնոտի սինուս-լիֆթինգում՝ ինչպես բաց, այնպես էլ փակ (նվազագույն ինվազիվ) մեթոդով, Versah ֆրեզներով։ Որոշ կլինիկական դեպքերում իմպլանտը կարող է տեղադրվել նույն այցելության ժամանակ։ Սինուս-լիֆթինգից հետո պսակը տեղադրվում է 4–6 ամիս անց՝ կախված ավելացվող ոսկրի ծավալից։
Ոսկրանյութ
Ալոգրաֆտ կամ քսենոգրաֆտ։
Ալվեոլյար կատարի փեղեքում և ատամնաբնի աուգմենտացիա
Կիրառվում են նաև ոսկրի պակասի դեպքում։
Փափուկ հյուսվածքների պլաստիկա
Իմպլանտների, ինչպես նաև իմպլանտների վրա արդեն տեղադրված կոնստրուկցիաների շուրջ՝ գեղագիտական և առողջ լնդային կոնտուրի համար։
Ձեր բժիշկը
Բժիշկ Արսեն Գևորգյան
ESTHEMAX-ի համահիմնադիրը։ Ստոմատոլոգ-իմպլանտոլոգ, որն անձամբ է տեղադրում բոլոր իմպլանտները։
03 — Արդյունքներ
Իմպլանտացիա՝ մինչև և հետո
04 — Ամբողջական ատամնաշար
Ամբողջական ատամնաշարի վերականգնում իմպլանտների վրա
Երբ ծնոտում ատամներ չկան կամ գրեթե չկան, ատամնաշարը կարելի է վերականգնել իմպլանտների վրա։ Կլինիկան կատարում է և՛ անշարժ կամուրջներ 4 կամ 6 իմպլանտի վրա, և՛ բալկայով շարժական պրոթեզներ։
2 իմպլանտի վրա
Շարժական պրոթեզ՝ լոկատորներով։
4 իմպլանտի վրա
Շարժական պրոթեզ՝ բալկայով, կամ անշարժ կամուրջ։
6 իմպլանտի վրա
Անշարժ կամուրջ, PEEK կարկաս կամ տիտանե բալկա։
05 — Համակարգեր և արժեք
Իմպլանտների համակարգերը և արժեքը
Կլինիկայում տեղադրվում են իմպլանտների երեք համակարգ։ Գինը կախված է իմպլանտի համակարգից և բուժման պլանից․ խորհրդատվության ավարտին կազմվում է ձեր բուժման պլանը և տրվում է վճարման նախահաշիվ։
Շվեյցարիա
Straumann
Ֆրանսիա
Biotech
Կորեա
CWM Inno
06 — Հարցեր
Հարցեր իմպլանտների մասին
Այն, ինչ պացիենտներն ամենից հաճախ հարցնում են իմպլանտացիայից առաջ։
Կախված է ոսկրի վիճակից և պլանից․ տեղադրում, ապաքինման շրջան, որի ընթացքում իմպլանտը միաձուլվում է ոսկրին, ապա աբատմենտ և պսակ։ Ստորին ծնոտում պսակները տեղադրվում են իմպլանտի տեղադրումից 1.5–3 ամիս անց, վերին ծնոտում՝ 4–6 ամիս անց։ Սինուս-լիֆթինգից հետո պսակը տեղադրվում է 4–6 ամիս անց՝ կախված ավելացվող ոսկրի ծավալից։
Կախված կլինիկական դեպքից՝ Հայաստան կգաք 2–3 անգամ, իսկ մնալու տևողությունը կքննարկենք ձեզ հետ անհատապես։ Մինչև Հայաստան գալը WhatsApp-ով ուղարկեք ձեր ատամների լուսանկարները (ֆոտոպրոտոկոլ) և ռենտգեն (OPG կամ CBCT), և մենք նախապես կպլանավորենք ձեր այցերը։
Ժամանակավոր ատամ տեղադրվում է, եթե իմպլանտի դաշտը և ոսկրը թույլ են տալիս անմիջական ծանրաբեռնվածություն։
Տեղադրումը կատարվում է տեղային անզգայացմամբ։
Բոլոր իմպլանտներն անձամբ տեղադրում է կլինիկայի համահիմնադիր, ստոմատոլոգ-իմպլանտոլոգ բժիշկ Արսեն Գևորգյանը։
Ոսկրի պակասը միշտ չէ, որ խոչընդոտ է։ Կախված դեպքից՝ կարող է կատարվել սինուս-լիֆթինգ, ալվեոլյար կատարի փեղեքում կամ ոսկրային աուգմենտացիա։ Թե որ տարբերակն է հարմար, որոշվում է ԿՏ հետազոտության հիման վրա։
Straumann (Շվեյցարիա), Biotech (Ֆրանսիա) և CWM Inno (Կորեա)։
Գինը կախված է իմպլանտի համակարգից և բուժման պլանից։ Խորհրդատվությունն անվճար է․ դրա ավարտին կազմվում է ձեր բուժման պլանը և տրվում է վճարման նախահաշիվ։ Բոլոր գները՝ գնացուցակում։
07 — Կապ
Սկսեք հաղորդագրությունից
WhatsApp-ը մեզ հետ կապվելու ամենաարագ միջոցն է․ սովորաբար պատասխանում ենք մի քանի ժամվա ընթացքում՝ հայերեն, անգլերեն կամ ռուսերեն։
Հեռախոս
+374 93 700 920Էլ. փոստ
esthemax.dental@gmail.comՀասցե
Ա. Ավետիսյան փ. 67, 1-ին հարկ
Երևան, Հայաստան
Աշխատանքային ժամեր
Երկուշաբթի – շաբաթ
9:00 – 21:00
Ուղարկեք ձեր տվյալները — կպատասխանենք WhatsApp-ով